Бердымұхамедов Риодан бірде-бір медаль әкелмеген басшының масқарасын шығарды
Түркіменстан президенті Гурбанғұлы Бердымұхамедов Рио-де-Жанейродағы Олимпиада ойындарында Түркіменстан құрамасы нашар нәтиже көрсеткені үшін, елдің спорт жөніндегі комитет басшысын көпшіліктің көзінше сынады.
Бұл туралы Орталық Азияның жаңалықтар қызметі хабарлайды.
"Барлық мүмкіндікті жасап берген күннің өзінде, сіздің халық сенімін ақтай алмайтындығыңыз қынжылтады", — деді Бердымұхамедов телеэфирде комитет басшысы Какабай Сеидовке.
Риоға барған тоғыз түрік атлетінің ешқайсысы да іріктеу сынынан әрі аса алған жоқ. Түркіменстан Олимпиада ойындарында ешқашан жүлде алып көрген емес.
Бердымұхамедовтың пікірінше, Сеидов Түркіменстанның спорт беделін көтеру үшін қолдан келгеннің бәрін жасай алмаған. Түркімен басшысы комитет жетекшісіне дұрыс жұмыс істемеген жағдайда қызметтен алынатынын ескертті.
2012 жылы Лондондағы Олимпиада ойындарында Түркіменстан жүлде ала алмаған соң, президент спорт комитетінің Сеидовке дейінгі басшысын жұмыстан шығарған болатын. Бердымұхамедов әлемдік деңгейдегі спорт кешендері құрылысына және 2017 жылы Азия ойындарын өткізуге миллиардтаған қаржы бөлді.
